kurdsh.ucoz.com

Main » 2009 » فبراير » 8 » تەماع و خیانەت لەپشت تەڵاقدانی لاراوە بوو

---

1.25.41 PM تەماع و خیانەت لەپشت تەڵاقدانی لاراوە بوو

ەندێك جار ژن دەیكاتە مەرج لەسەر پیاو كە مارەییەكی زۆری(پاشەكی) لەسەر تۆمار بكات و، لە گرێبەستی هاوسەرێتیدا بچەسپێندرێت، بەو هیوایەی بەمە بتوانێ لەدێوەزمەی تەڵاق رزگاری بێ و پیاوەكە لەبەر ئەو بڕە مارەیە زۆرە ناتوانێ دەستبەرداری بێت، بەڵام ئەو كێشەیەی كە لێرەدا ناوەڕۆكەكەی بڵاو دەكەینەوە و كێشەیەكە ژمارە(12/518/ش)ی لە دادگای باری كەسیی دراوەتێ، پێچەوانەی ئەم مەنتقەیە و دەیسەلمێنێ گەر پیاو بیەوێت ئەگەر مارەییەكی زۆریشی لەسەركرابێتە ماڵ هەر دەتوانێ ژنەكەی تەڵاق بدات و غەدرو ستەمیشی لێبكات تەواوی بەسەرهاتەكە كە(لارا) لە هۆڵی دادگا هاتە دەرەوە، هەنسكی دەدا، روخساری سوورهەڵگەڕابوو، چاوی پڕئاو بوو ئەگەرچی زۆر هەوڵی دەدا بەسەرخۆیدا زاڵ بێت و ئەوەندە خەفەتباری بەسەرەوە دیار نەبێت، بەڵام فشارە دەروونییەكەی ناخی زۆر لەوە بەهێزتر بوو زیاتر بەرگە بگرێ، بەو حاڵەوە براكەیی و دایكی بەپیرییەوە چوون و دایكی لە ئامێزی گرت و براكەشی لێی نزیكتر بۆوە و تووند دەستی خوشكەكەی گوشی و دڵی دەدایەوە و پێی گوت: مەگری خوشكم مەگری، چاك چاكت كرد ئەو مێردە بێوەفایەت لەكۆڵ خۆت كردەوە و بەیەكجارەكی دەستت لێی بەربوو، ئەو هی ئەوە نەبوو ئەوەندە قوربانی و عەزابی بەدەستەوە بخۆی. من سەیری ئەم دیمەنەم دەكرد و جارێ نەمدەتوانی، لەوە زیاتر كە لە ناخمەوە هاوسۆزی بم، بیر لە هیچ شتێیكی تر بكەمەوە، ئەوەندەی پێنەچوو پارێزەرەكەی هاتە لایان و پێیانی گوتت: چەندە رۆژێكی تر تەڵاقنامەكە وەردەگرین، هەرچی لەسەر ماڵ بێت بەداوا لێیدەستێنین نزیك كەوتمەوە پرسیاری كێشەم كرد و هۆی پرسیاركردنەكەشم بۆیان روونكردەوە، كە زانیان بۆ پرسیاریان لێدەكەم، پارێزەرەكەیان دوای راوێژكردن لەگەڵ ژنە و خانەوادەكەی و رازیبوون لەسەر باسكردنی كێشەكە، هاتەوە لای من و بەمشێوەیە كێشی(لارا) و مێردەكەی باس كرد و گوتی: (لارا) نزیكەی(3)ساڵێكە مێردی كردووە بەپیاوێك كە (5)ساڵان لەخۆی بچوكتربووە، (لارا) ئێستا تەمەنی (29)ساڵە و مێردەكەشی تەمەنی (24)ساڵ من خۆم هۆی كێشەكەم بە تەواوەتی لە(لارا) خۆی بیستووە كە چۆن سەرەتا مێردەكەی ناسیوەو و دواتریش چۆن شووی پێكردووە و پاشان كێشەیان كەوتۆتە نێوان، بۆیە منیش لە زاری ئەوەوە بۆتان دەگێڕمەوە دیارە خۆشت(لارا)ت بینی، كە ژنێكی چەند جوان و ئازادبوو، لە خانەوادەیەكی بەڕێز و سەنگین و خانەوادەكەی زۆربەیان ئەندازیار و پزیشكن یا بازرگانن،(لارا)ش بۆ خۆی دەرچووی كۆلێژی بەڕێوەبردن و ئابوورییە، مێردەكەی ناوی(ناسیح) بوو، ئەو دەرچووی پەیمانگابوو، بە رێكەوت هەردووكیان وەكو فەرمانبەر دەكەونە فەرمانگەیەك، (ناسیح)هەر لەیەكەم هەفتەی بە فەرمانبەربوونی سەرنجی (لارا)ی داوە و هەوڵی داوە هەواڵی (لارا) لەم و لەو بپرسێ و بزانێ، كە زانی دەوڵەمەندە و لە خێزانێكی سەنگینە و خۆشی كچێكی تابڵێی جوان و بەقەدرە لەدڵی خۆیدا دەڵێ: ئەوە ئەو كەسەیە كە من بەدوایدا دەگەڕێم بۆ ئەوەی بیخوازم. ئەوەبوو سێ چوار هەفتە لەدەوروخولی دەسوڕێتەوە و بە ئاماژەی جۆراوجۆر تێیدەگەیەنێت كە دەیەوێت لێی نزیك بێتەوە، راستیەكەی هەر وەك(لارا) گێڕاویەتییەوە ئەو كوڕە بە هەموو نەرمی ونیانییەكەوە مامەڵەی لەگەڵ كردووە و وێنەیەكی زۆر میهرەبانانەی لەسەرخۆی لە مێشكی (لارا) چەسپاند تا توانی(لارا) بێنێتە سەر ئەوەی پەیوەندییان لەگەڵ یەك هەبێ، هەرچەند سەرەتا وا رێكەوتوون كە پەیوەندییەكە تەنیا هاوڕێیەتی بێ و بەس، بەڵام دواتر ئەو پەیوەندییە دەچێتە ئاستێكی تر و (ناسیح) پێی دەڵێ كە هەموو مەبەستی ئەو لەو پەیوەندییەدا پێكهێنانی ژیانی هاوسەرێتییە نەك شتێكی دیكە،(لارا)ش پێی دەڵێ كە ئەوان جیاوازی تەمەنیان زۆرە و رەنگە لە دواڕۆژ لەسەر ئەو جیاوازییە دووچاری كێشەی گەورە ببن، ماوەیەك، كە یەك دوومانگ دەخایەنێ ئەم خاڵە دەبێتە نوختەی گفتوگۆكانیان.(لارا)ش مەسەلەكە بۆ دایكی دەگێڕێتەوە، كە یەكێك هەیە لە خۆی بچوكترە و خۆشی دەوێت و دەیەوێ بێتە خوازبێنی، ئەوانیش نزیكەی مانگێك گفتوگۆ لەسەر ئەو مەسەلەیە دەكەن، ئاخیرییەكەی لەسەر ئەوە رێكدەكەون كە مەرجی ئەوە بخەنە سەر كوڕەكە مارەیی پاشەكی(500)مسقاڵ زێڕ بێت،(لارا) دواتر مەرجەكە لەگەڵ (ناسیح) باس دەكات و ئەویش دوای كەمێك بیركردنەوە رازی دەبێت، هەرچۆنێك بێت تەدارەكی خوازبێنی و دواتر زەماوەندیش رێك دەخەن و هەنگاوی كردەنی پێویستی بۆ هەڵدەگرن، كابرا كچە دەخوازێ و ماوەیەك ژیانی هاوسەرێتی بەخۆشی بەسەر دەبەن، دواتر ماڵی (لارا) كە دەبینن ئیمكانیاتی زاواكەیان دیاریكراوە و سنووردارە، لە نێو خۆیاندا رێكدەكەون خانوویەكی مامناوەندی بۆ كچەكەیان بكڕن و بەناوی ئەویشەوەی بكەن، ئەمە بوو كە هەواڵ گەیشتە(ناسیح) لە خۆشیان خەریك بوو باڵ بگرێت و بەمە شتێك لەمێشكیدا و هەڵی گرت بۆ رۆژی خۆی، ئیتر هەڵسوكەوت و رەفتاری (ناسیح) نەرم ونیانییەكی زیاتری دەنواند و بە زمانێكی لەجاران شیرینتر لەگەڵ(لارا) دەدوا، بەم رێگەیەوە وردەوردە باسی ئەوەی بۆ پێشنیار كرد كە بەڵكو ماڵی باوكی (لارا) بتوانن ئۆتۆمبیلێك بۆ(لارا) بكڕن، دوای چەند مانگێك ئەو ئاواتەیان هاتەدی، ئەمجارە داوای لێكرد بەڵكو دایكی پارەچە زێڕێكی بە دیاری بۆ رۆژی هاوسەرێتیان پێشكەش بكات، رۆژبەرۆژ داوا و پێشنیارەكانی جۆراوجۆر و بە زمانێكی لووس و شیرین دەكرد، ئینجا كە گەیشتە ئاستێك زیاتر مومكین نییە، هات نەخشەكەی خۆی جێبەجێ بكات. یەكەمجار داوای لێكرد خانووەكەیان بفرۆشن و خانوویەكی گەورەتر بكڕن، ئەگەر پارەكەشیان بەشی نەكرد پارچە زێڕەكانی بفرۆشێت بەو بەڵگەیەی(ماڵی سپی بۆ رۆژی رەش)ە لەمەدا(لارا) ملی نەدەدا، وردەوردە مشتومڕیان لێپەیدا بوو كار گەیشتە لێكتۆران و زیزبوون و جێگەی نووستن لەگەڵ یەك جیاكردنەوە توڕەبوون و لێك تۆران تاوێك نێوانیان باش دەبۆوە، دیسان كە مەسەلەی خانووكڕین و پاشان بەناوكردنی بەناوی(ناسیح) دەهاتەوە گۆڕێ دووبارە نێوانیان ناخۆش دەبۆوە(لارا) مەسەلەكەی بە تەواوەتی لە گەڵ دایك و براكانی باس كرد و پێیگوتن كە(ناسیح) ئەوەندە رژدە لەسەر ئەو مەسەلەیە وایلێكردووم گومانێكی جددی لێبكەم، كێشەكەیان درێژەی كێشاو بەمشێوەیە(ناسیح) ماڵەكەی بەجێهێشت و ئەو لە جیاتی (لارا) زیزبوو، رۆیشتن و زیزبوونی(ناسیح) بۆ ئەوەبوو زیاتر فشاری دەروونی بخاتە سەر (لارا) و ركێفی بكات، هەرچۆنێ بوو ناوبژیوانیان كەوتە نێوان و ماوەی زیزبوونی(ناسیح) نزیكەی مانگێكی خایاند. (لارا) لەدڵی خۆیدا بڕیاری دابوو ئەگەر(ناسیح) بە بەناوكردنی خانووەكەی دڵی چاك بێتەوە و بێتەوە ئامێزی، ئەوا كێشە نییە بەناوی دەكات و ئۆتۆمبێلەكەشی پێدەدا، كە پێكهاتنەوە(ناسیح) تا دووسێ مانگان باسی هیچ شتێكی نەكرد، بەڵام رەفتاری بەتەواوەتی لەگەڵ ئەو گۆڕابوو، هەست وسۆزی تێدانەمابوو، تەنیا لەماڵ بوو، رووح و گیان و سۆز و خەیاڵی لەلایەكی تر بوو، كە مشتومڕیان لەسەر شتێك دروست دەبوو(ناسیح) تەمەن گەورەتری (لارا)ی دەهێنایە گۆڕێ و بەچاوی دادەدایەوە، ئەمجارە دیسان ناخۆشییان كەوتەوە نێوان بەتایبەتی كە ئەمجارە بۆ(لارا) دەركەوت(ناسیح) پەیوەندی خۆشەویستی لەگەڵ كچێك هەیە و بەڕاستیش دەیەوێ بیخوازێت، گەیشتنە ئاستێك گەڕانەوەی نەبوو(ناسیح) رووبەڕوو بە(لارا)ی گوت ئەگەر پاشەكیت لەسەرم لابدەی من وازت لێدێنم و نەخانوو و نە ئۆتۆمبێل و نەپارە و زێڕت هیچ شتێكی ترم ناوێت، دوای ئەم قسانە ماڵەكەی بەجێهێشت و رۆیشت، رۆیشتنەكەی زۆری پێچوو، هیچ دەرەنجامێكیان نەبوو، ئەوەی لای (لارا) سەیر بوو ئەوە بوو بۆچی(ناسیح) وادەكات؟ بۆچی خواستی و بۆ وەها بەخراپی گۆڕا، باشە نەیدزانی بە تەمەن لەو گەورەترم، نەیدەزانی چەندین جار پێمگوتبوو، لەوانەیە بەهۆی جیاوازی تەمەنمانەوە نەتوانین تاسەر بەیەكەوە هەڵبكەین، ئەی بۆ هەموو جار رازی دەبوو دەیگوت ئەو قسانەی تۆ بێ مانان، لزوم ناكات بشیانكەیت.... ئەی بۆ وا خستمیە ئەم گێژاوانە؟ ئەم پرسیارانە بەردەوام لەمێشكی (لارا) دەزرنگایەوە و لێدەدرایەوە، رۆژێك راگەیاندراوێك بۆ (لارا) دەچێ و تیایدا هاتبوو كە مێردەكەی داوای تەڵاقی لەسەر تۆمار كردووە، لە رۆژی دیاریكراو چووە دادگا و بینی مێردەكەی داوا دەكات دەستیان لێك بەربێت. (لارا) زۆری هەوڵیدا بە رێگەی دادگا و بەفشاری دادوەر بگەڕێنەوە بۆ یەكتری، بەڵام بێ سوود بوو. دواجار كە پارێزەری گرت، تێیگەیاند كە ئەگەر ژن و مێردایەتییەك بەو جۆرە بێ هەر نەبێ باشترە و ئەگەر واز لە مارەییەكەی بێنێ، ئەو مافەی بەتەواوەتی دەسووتێ. بەڵام (لارا) لەدوایین دانیشتنی دادگادا لەبەردەم دادوەر دەست هەڵگرتنی لە مارەییەكەی بەدادوەر گوت: دادوەرەكەش پێیگوت چاك بیر بكاتەوە و مۆڵەتی دەدرێتێ بۆ ئەوەی دەرفەتی بیركردنەوە و تاوتوێ كردنی زیاتری مەسەلەكەی هەبێ، بەڵام نەخێر (لارا) سوور بوو لەسەر دەست هەڵگرتنەكەی. ئەوە بوو وازی لە مارەیی هێنا و بە دادوەری گوت: جەنابی دادوەر پیاوێك كە لە هیچ و خۆڕایی منی هێنا و لە هیچ و خۆڕایش دەستبەردارم بێت، مارەیی چی لێبكەم كە ئەو منی نەوێت. ئەو كە منی نەوێت مارەیی چیم بۆ دەكات؟ لەوێوە دادگا تەڵاقی ئەو پیاوەی لەو ژنە چەسپاند و بۆ یەكجارەكی وازیان لە یەكتر هێنا. دەرەنجام ئەوەی لەم رووداوە تێبینی بكەین ئەوەیە كە تەماح و چاوبڕین لە موڵك و سامانی كەسانی دیكە لەلایەك و لەبەرچاونەگرتنی جیاوازی تەمەن و هەروەها نەبوونی نییەتێكی پاك و ئەسڵەن هەر نەبوونی راستگۆیی لای ئەو پیاوە، هۆكاری راستەقینەی فەشەل هێنانی ئەو هاوسەرێتییە بووە. پیاوێك كە بەم هەستەوە بچێتە ناو ژیانی هاوسەرێتییەوە و هیچ پیرۆزییەك لەو پەیوەندییەدا نەبینێ، نەدەبوایە (لارا)شن بەلایەنی كەمەوە لە مارەییەكەی خۆی خۆش بوایە، چونكە لە سەرێكەوە ئەمە مافێكی شەرعی و بێمنەتانەی خۆی بوو، دووەمیش دوای ئەوەی ئەو ژنە ئەو هەموو شتەی پێشكەش كرد و ئەوەندە بەتەنگ پەیوەندییەكەیانەوە بوو، با ئەگەر لە رووی مەعنەوییەوە زیانی كرد، هیچ نەبا لە رووی مادییەوە زیانی لێنەكەوتبا و كابراش ناچاربایە پابەندی بەجێهێنانی ئەو ئیلتزامە كراب

1 2 3 4 5 Views: 650 | Added by: kurdsh | Rating: 0.0/0

Total comments: 0