baxer bin bo saete kurdsh

سزایه‌كی نامۆ

kurdsh — Mon, 06 Feb 2012 21:17:05 GMT

دادگایه‌كی شه‌رعی له‌پارێزگای "عیێس”ی سعودیه‌ سزایه‌كی نامۆی بۆ گه‌نجێك ده‌ركرد كه‌ تۆمه‌تبار بوو به‌وه‌ی هه‌ڵسوكه‌وتی ناشرینی به‌رامبه‌ر به‌ كچان كردووه‌و بێزاری كردوون , سزاكه‌ش بریتی بوو له‌ شتن و كفنكردنی مردوو.

به‌ڕێوه‌به‌رایه‌تی ئاماده‌كردنی ته‌رمی مردووش له‌ پارێزگاكه‌، بڕیاری دادگا شه‌رعییه‌كه‌ی به‌ده‌ست گه‌یشتووه‌و چاوه‌ڕوان ده‌كرێت له‌ نزیكترین كاتدا جێبه‌جێ بكرێت.

له‌دایكبوونی پێغه‌مبه‌ر ..........صلی الله علیه وسلم

kurdsh — Fri, 03 Feb 2012 20:35:15 GMT

گه‌وره‌پیاوانی مێژوو هه‌ر له‌ منداڵییه‌وه‌ شوێن و پله‌وپایه‌ی به‌رزیان هه‌بووه‌، جا چۆنه‌ ئه‌گه‌ر ئه‌م گه‌وره‌یه‌ (محمد) بێت، گه‌وره‌ترینی مرۆڤ و چاكترین و كۆتاییی پێغه‌مبه‌ران دروودی خوایان لێ بێت. له‌به‌ر ئه‌وه‌ ده‌بینین كه‌ چاودێریی خوایی بۆ پێغه‌مبه‌ر (صلى الله عليه وسلم) هه‌ر له‌ مناڵییه‌وه‌ و له‌ كاتی له‌دایكبوونیه‌وه‌ بۆی دیار بووه‌ و هه‌میشه‌ به‌رده‌وام بووه. له‌گه‌ڵ قورسیی بارودۆخه‌كه‌یدا خوای گه‌وره‌ بۆی ئاسان كرد و پاراستی له‌ ناخۆشی و ته‌نگه‌شه‌كانی ژیان و دڵه‌كان له‌گه‌ڵ ئه‌و ڕه‌قی و كوفر و بێباوه‌ڕییه‌یاندا ژێرڕكێف بوون بۆی و خۆشیان ویستووه‌.
پێغه‌مبه‌ری خوا(صلى الله عليه وسلم) به‌هه‌تیوی له‌دایك بوو. هه‌ر پێش له‌ له‌دایكبوونی باوكی مرد و بێباوك مایه‌وه. قورئانی پیرۆزیش ئاماژه‌ به‌مه‌ ده‌كات و پێی ده‌فه‌رموێت: { ألم يجدك يتِيما فآوى} {ئایا په‌روه‌ردگارت به‌ هه‌تیوی نه‌یبینیت و خێرا ده‌رووی لێكردیته‌وه‌ و لانه‌ی بۆ سازاندیت و حه‌واندیتیه‌وه‌؟} [الضحى: ٦] ئه‌نه‌س خوا لێی ڕازی بێت ده‌فه‌رموێت: (فلما ولدت آمنة رسول الله صلى الله عليه وسلم بعد ما توفي أبوه، فكانت أم أيمن تحضنه، حتى كبر رسول الله صلى الله عليه وسلم، فأعتقها، ثم أنكحها زيد بن حارثة) (مسلم) ڕیوایه‌تی كردووه‌.[كاتێك پاش مردنی باوكی ئامینه‌ پێغه‌مبه‌ری بوو، ئوم ئه‌یمه‌ن ده‌یگرته‌ باوه‌شی خۆی و دایه‌نیی ده‌كرد تاكوو پێغه‌مبه‌ری خوا گه‌وره‌ بوو، ئینجا ئوم ئه‌یمه‌نی ڕزگار كرد، پاشانیش له‌ زه‌یدی كوڕی حاریسه‌ی ماره‌ كرد.]
له‌دایكبوونیشی له‌ شیوی به‌نی هاشم بوو له‌ مه‌ككه‌ی پیرۆز له‌ به‌ره‌به‌یانی ڕۆژی دووشه‌ممه‌ دوانزه‌ی ڕ‌ه‌بیعی یه‌كه‌م، به‌رامبه‌ر به‌ بیست یان بیستودووی مانگی نیسانی ساڵی (٥٧١)ی زایینی؛‌ وتراویشه‌ كه‌ له‌ دووی ڕ‌ه‌بیعی یه‌كه‌مدا بووه‌.
(عبدالمطلب)‌ی باپیری ئێجگار دڵخۆش بوو به‌ له‌دایكبوونی و ئاهه‌نگی بۆ گێڕا و له‌ناو هه‌موو خه‌ڵك و كه‌سانی ڕێزو پله‌داری مه‌ككه‌دا‌ بڵاوی كرده‌وه ‌و كردیه‌ ڕۆژی خۆشی خۆی. ناوێكی جوانی بۆ هه‌ڵبژاردو ناوی نا"محمد" كه‌ له‌وه‌وپێش ئه‌و ناوه‌ له‌ناو عه‌ره‌به‌كاندا نه‌بوو.
له‌دایكبوونی پێغه‌مبه‌ر (صلى الله عليه وسلم) له‌ ساڵی (فیل)دا بوو. له‌ پاش ئه‌و ڕووداوه‌ به‌ناوبانگه‌ی كه‌ خوای گه‌وره‌ له‌ قورئانی پیرۆزدا باسی ده‌كات و ده‌فه‌رموێت: { ألم تر كيف فعل ربك بأصحاب الفيل} [الفيل: ١] ئیمامی ئیبن قه‌ییمڕه‌حمه‌تی خوای لێ بێت ده‌فه‌رموێت: ئه‌م ڕووداوه‌ ده‌سپێك و (إرهاصات) بووه‌ بۆ پێغه‌مبه‌رێتی، كه‌ بێ هه‌وڵ و ماندووبوونی عه‌ره‌به‌كان خوا نه‌سرانیه‌كانی له‌ كه‌عبه‌ دوور خسته‌وه ‌و ته‌فروتونای كردن و ماڵه‌كه‌ی خۆی پاراست.
له‌ نیشانه‌كانی پێغه‌مبه‌رێتی له‌ كاتی له‌دایكبوونیدا ئه‌وه‌یه‌ كه‌ عیرباض كوڕی ساریه‌ ده‌فه‌رموێت: گوێم له‌ پێغه‌مبه‌ری خوا بوو (صلى الله عليه وسلم) ده‌یفه‌رموو: (إني عبد الله في أم الكتاب لخاتم النبيين، وإن آدم لَمُنْجَدِلٌ - ملقى على الأرض- في طينته، وسأنبئكم بتأويل ذلك، دعوة أبي إبراهيم، وبشارة عيسى قومه، ورؤيا أمي التي رأت، أنه خرج منها نور أضاءت له قصور الشام) (من به‌نده‌ی خوام له‌ أم الكتاب و سه‌رمۆری پێغه‌مبه‌رانم، كاتێك ئاده‌م پارچه‌قوڕێك بووه‌ و له‌سه‌ر زه‌وی دانرابوو‌. من حه‌قیقه‌ت و ته‌ئویلی ئه‌وه‌تان پێ ده‌ده‌م، بانگه‌وازی ئیبڕاهیمی باوكمم، ئه‌و مژده‌یه‌م كه‌ عیسا دای به‌ گه‌له‌كه‌ی، ئه‌و‌ خه‌وه‌م كه‌ دایكم بینی كه‌ ڕووناكییه‌ك لێی هاته‌ ده‌رێ كۆشكه‌كانی شامی ڕووناك كرده‌وه‌.) (رواه أحمد وصححه ابن حبان والحاكم.)
یه‌كه‌م‌ كه‌سێكیش كه‌ شیری دابێت به‌ پێغه‌مبه‌ری خوا پاش دایكی ‌ثویبه‌ كه‌نیزه‌كی ئه‌بوو له‌هه‌ب بوو كه‌ شیریشی دابوو به‌ حه‌مزه. جا له‌به‌ر ئه‌وه‌ی كه‌ خوونه‌ریتی ئه‌و كاته‌ی عه‌ره‌ب وابوو كاتێ منداڵیان ده‌بوو ده‌یاننارده‌ ده‌شتوده‌ر و لادێكان تاكوو نه‌خۆشی ناو شار كاریان تێ نه‌كات و زمانیان وشه‌ی نامۆی تێكه‌ڵاو نه‌بێت و به‌ڕ‌ه‌وانی بپژێتوپته‌و بێت، محمدیان نارده‌ لای حه‌لیمه‌ی سه‌عیدیه‌له‌ به‌نی سه‌عد و بۆ ماوه‌ی چه‌ند ساڵێك له‌وێ ژیا و بووه‌ هۆی دابارینی خێر و به‌ره‌كه‌ت و فه‌ڕ بۆ ماڵی حه‌لیمه‌ و به‌نی سه‌عدیش.
له‌ پاش ڕووداوی سینگ له‌تكردنی له‌ ته‌مه‌نی چوار یان پێنج ساڵیدا،دایه‌نه‌كه‌ی ترسا كه‌ شتێكی به‌سه‌ر بێت و گه‌ڕاندیه‌وه‌ بۆ لای دایكی له‌ مه‌ككه‌. ئینجا پاش مردنی دایكی باپیری له‌خۆی گرت و كه‌فاله‌تی كرد. پاشانیش مامی.‌ كاتێكیش ته‌مه‌نی بووه‌ چل ساڵ، به‌ ڕه‌حمه‌ت و به‌زه‌یی نێردرا بۆ گشت جیهان و بووه‌ پێغه‌مبه‌ر، مژده‌ده‌ر و ترسێنه‌ر، ڕێڕۆشنكه‌ر و هیدایه‌تده‌ر بۆ ڕێگه‌ی ڕاست و ئایینی په‌روه‌ردگار.

كاتژمێری‌ قیامه‌ت خوله‌كێك پێش ده‌كه‌وێت

kurdsh — Mon, 16 Jan 2012 22:53:12 GMT

كاتژمێری‌ قیامه‌ت، كه‌ كاتژمێرێكی‌ ڕه‌مزییه‌‌و تایبه‌ته‌ به‌مه‌ترسییه‌كانی‌ چه‌كی‌ ئه‌تۆم، خوله‌كێكی‌ دیكه‌ چووه‌ته‌ پێشه‌وه‌‌و هێما به‌نزیكبوونه‌وه‌ی‌ مه‌ترسی‌ له‌سه‌ر زه‌وی‌ ده‌كات، ئه‌وه‌ش به‌هۆی‌ خۆپڕچه‌ككردنی‌ وڵاتانی‌ جیهان به‌چه‌كی‌ ئه‌تۆمی‌‌و زیادبوونی‌ مه‌ترسییه‌كانی‌ سه‌ر ژینگه‌ی‌ گۆی‌ زه‌وی‌.

به‌گوێره‌ی‌ هه‌واڵێك كه‌ تۆڕی‌ (BBC) بڵاویكردووه‌ته‌وه‌، زانایانی‌ بواری‌ ناوه‌كی‌ (BAS) ئاماژه‌یان به‌وه‌داوه‌، ئه‌و كاتژمێره‌ ڕه‌مزییه‌ی‌ كه‌ ساڵی‌ 1947 دروستكراوه‌‌و مه‌ترسییه‌كانی‌ چه‌كی‌ ئه‌تۆم ده‌خاته‌ڕوو، به‌هۆی‌ پابه‌ندنه‌بوونی‌ وڵاتان به‌ڕێگرتن له‌بڵاوبوونه‌وه‌ی‌ چه‌كی‌ ئه‌تۆم‌و ململانێ‌ له‌سه‌ر به‌ده‌ستهێنانی‌ چه‌كی‌ پێشكه‌وتوو، خوله‌كێك پێشكه‌وتووه‌.

به‌گوێره‌ی‌ هه‌واڵه‌كه‌، له‌ساڵی‌ 1947ه‌وه‌ تا ساڵی‌ 2011 كاتژمێره‌كه‌ چوار خوله‌ك پێشكه‌وتبوو، به‌ڵام له‌ساڵی‌ 2011دا، به‌هۆی‌ ئه‌وه‌ی‌ چه‌ند وڵاتێكی‌ دیكه‌ له‌هه‌وڵدان بۆ به‌ده‌ستهێنانی‌ چه‌كی‌ ئه‌تۆمی‌، خوله‌كێكی‌ دیكه‌ زیادیكردووه‌، واته‌ ئاستی‌ مه‌ترسییه‌كان زیادیان كردووه‌‌و ئه‌گه‌ر به‌مشێوه‌یه‌ش بڕوات، ئه‌وا كاتژمێری‌ قیامه‌ت، به‌رده‌وام به‌ره‌و پێش ده‌چێت‌و مه‌ترسییه‌كان زیاتر ده‌بن.

جینسا دانابالا) یاریده‌ده‌ری‌ پێشووی‌ سكرتێری‌ ڕێكخراوی‌ نه‌ته‌وه‌ یه‌كگرتووه‌كان بۆ كاروباری‌ داماڵینی‌ چه‌ك، وتویه‌تی‌:"له‌كاتێكدا په‌یوه‌ندییه‌ ئه‌تۆمییه‌كانی‌ ئه‌مریكا‌و ڕوسیا له‌بواری‌ ئه‌تۆمیدا هه‌نگاوی‌ باشی‌ ناوه‌، به‌ڵام له‌به‌رامبه‌ردا وڵاتانی‌ دیكه‌ هه‌وڵ‌ بۆ پێشخستنی‌ چه‌كی‌ ئه‌تۆمی‌ ده‌ده‌ن، كه‌ ئه‌وه‌ش ئاستی‌ مه‌ترسییه‌كان زیاتر ده‌كات".

دانابالا بۆچوونی‌ وایه‌، وڵاتانی‌ جیهان پابه‌ندی‌ په‌یماننامه‌ نێوده‌وڵه‌تییه‌كان نابن، بۆ كه‌مكردنه‌وه‌‌و داماڵینی‌ چه‌كی‌ ئه‌تۆم‌و تاقیكردنه‌وه‌ ئه‌تۆمییه‌كان، به‌ڵكو ململانێكان زیاتر‌و زیاتر ده‌بن، به‌تایبه‌ت كه‌ له‌م چه‌ند ساڵه‌ی‌ دواییدا، هه‌ندێك وڵاتی‌ وه‌كو (هندستان‌و پاكستان، كۆریای‌ باكور‌و ئێران) هه‌وڵ‌ بۆ به‌هێزكردنی‌ توانا ئه‌تۆمییه‌كانیان ده‌ده‌ن، ئه‌وه‌ش قه‌باره‌ی‌ مه‌ترسییه‌كان گه‌وره‌تر ده‌كات.

زانایانی‌ ناوه‌كی‌ مه‌ترسیی‌ خۆیان پیشانداوه‌، له‌و ئاڵۆزیانه‌ی‌ كه‌ خۆرهه‌ڵاتی‌ ناوه‌ڕاست‌و باكوری‌ خۆرهه‌ڵاتی‌ ئاسیا‌و باشوری‌ ئاسیای‌ گرتووه‌ته‌وه‌، كه‌ به‌بۆچوونی‌ زاناكان، ئاڵۆزییه‌كان بوونه‌ته‌ مه‌ترسی‌‌و دوورنییه‌ به‌هۆی‌ جه‌نگه‌وه‌، چه‌كی‌ ئه‌تۆم به‌كاربهێنرێت.

به‌وته‌ی‌ زاناكان، یه‌كێكی‌ دیكه‌ له‌هۆكاره‌كانی‌ زیادبوونی‌ خوله‌كێك بۆ كاژمێری‌ قیامه‌ت ئه‌وه‌یه‌، كه‌ ژینگه‌ به‌رده‌وام پیس ده‌بێت‌و مه‌ترسییه‌كانیش بۆ سه‌ر مرۆڤ ڕۆژ له‌دوای‌ ڕۆژ زیاتر ده‌بن، بۆیه‌ ئه‌گه‌ر وڵاتانی‌ جیهان كاری‌ پێكه‌وه‌یی‌ نه‌كه‌ن، بۆ به‌رگرتن له‌و مه‌ترسیانه‌، ئه‌وا كاره‌ساتێكی‌ گه‌وره‌ به‌رۆكی‌ مرۆڤایه‌تی‌ ده‌گرێت.

ئایپاد جێگای‌ پاسپۆرت ده‌گرێته‌وه‌

kurdsh — Mon, 16 Jan 2012 22:44:27 GMT

هاوڵاتییه‌كی‌ كه‌نه‌دی توانی‌ سنوری نێوان وڵاته‌كه‌ی و ئه‌مریكا ببڕێت، له‌كاتێكدا كه‌ په‌ساپۆرته‌كه‌ی‌ له‌ماڵه‌وه‌ له‌بیر چوبوو، ئه‌ویش به‌هۆی پیشاندانی‌ وێنه‌ی‌ پاسپۆرته‌كه‌ی‌ له‌ڕێی ئایپاده‌وه‌.

(مارتن ریچ) ده‌یویست گه‌شتێك ئه‌نجامبدا له‌ كیبیكه‌وه‌ بۆ فیرمۆنت بۆ چاوپێكه‌وتنی‌ ژماره‌یه‌ك هاوڕێی‌، به‌ڵام كاتێك كه‌ له‌ سنور نزیكبۆوه‌، بۆی ده‌ركه‌وت كه‌ پاسپۆرته‌كه‌ی‌ له‌ماڵه‌وه‌ بیرچووه‌، دواتر بیری كه‌وته‌وه‌ كه‌ وێنه‌یه‌كی‌ پاسپۆرته‌كه‌ی‌ له‌ناو ئامێری ئایپاده‌كه‌ی هه‌ڵگرتووه‌ پیشانی‌ لێپرسراوه‌كانی‌ سنوریدا تا نه‌یگه‌ڕێننه‌وه‌ بۆ شاره‌كه‌ی‌.

به‌وته‌ی‌ ریچ لێپرسراوه‌كه‌ی‌ له‌ پێشه‌وه‌ زۆر دوودڵ بوو، به‌ڵام دواتر بڕیاریدا ڕێگه‌ی ڕۆشتنی‌ پێبدات.
دواتر لێپرسراوه‌ كه‌نه‌دیی‌ و ئه‌مریكییه‌كان ڕایانگه‌یاند، كه‌ وێنه‌ی‌ سه‌ر ئایپاد جێگای متمانه‌ نییه‌، نابێت ڕێگه‌ به‌به‌كارهێنانی‌ بدرێت به‌مه‌به‌ستی‌ گواستنه‌وه‌ له‌سه‌ر سنور.

مـــه‌تــرسـیــه‌كــانــی *..ئــــه‌نـــدۆمــــی

kurdsh — Fri, 13 Jan 2012 22:37:06 GMT

مـــه‌تــرسـیــه‌كــانــی *..ئــــه‌نـــدۆمــــی

زۆر گرنگه‌بۆ ئێمه‌ هه‌ر شتێك كه‌ ده‌یكڕین، بزانین چ له‌ پێكهاته‌كه‌ی هه‌یه‌، ئه‌ویش به‌ خوێندنه‌وه‌ی زانیاریه‌كانی سه‌ر به‌رگه‌كه‌ی، ئه‌گه‌ر نه‌شمانزانی ئاساییه‌ له‌ كه‌سێكی شاره‌زاتر بپرسین.
با بچینه‌ ناو باسه‌كه‌مان، ئه‌وه‌ی مه‌به‌ستمه‌ لێره‌ (ئیندۆمی)یه‌، كه‌ به‌داخه‌وه‌، بوویته‌‌ خواردنێكی باو، ترسناكتریش ئه‌وه‌یه‌ كه‌ بوویته‌ ژه‌می منداڵه‌كانمان.
یه‌كێك له‌ پێكهاته‌كانی ئه‌م خواردنه‌ (ئێجنی مۆتۆ)یه‌، ناسراو به‌ "خوێی سینی" كه‌ كاری ئه‌م ماده‌یه‌ بریتیه‌ له‌ كوشتن یان بڵێین له‌ كار خستنی خانه‌كانی مێشك "هه‌ر خانه‌یه‌كی مێشك له‌ ناوبچێت دروست نابێته‌وه‌".
ئه‌مه‌ جگه‌ له‌وه‌ی باس له‌وه‌ ده‌كرێت كه‌ ڕوونی به‌راز، له‌ دروستكردنی به‌كارهاتبێت " به‌ڵام ئه‌مه‌یان گومانی تێدایه‌".
له‌ هه‌مووی ترسناك تر ئه‌وه‌یه‌، كه‌ له‌ پێكهاته‌كه‌ی‌ (E621)ه‌، ئه‌مه به‌ ڕوونی له‌سه‌ر كیسه‌كه‌ نووسرایه‌، ده‌زانن ئیشی ئه‌و ماده‌یه‌ چیه‌؟
ژه‌هراوی كردنی خانه‌كانی مێشك، به‌داخه‌وه‌، زه‌ره‌ری ئه‌م ماده‌یه‌ زیاتره‌ له‌ زه‌ره‌ری بێهۆشكه‌ره‌كان "مخدرات"، چونكه‌ ده‌بنه‌ هۆی له‌كارخستنی خانه‌كانی مێشك "كه‌ وه‌ك گۆتمان توانای دووباره‌ دروستبوونه‌وه‌یان نیه‌"، ئه‌وه‌‌ جگه‌ له‌وه‌ی ده‌بێته‌ هۆی بیركوێری و لاوازبوونیی. وه‌ به‌ فیڕۆدانی تواناكانی مێشك، وه‌ له‌ده‌ستدانی توانای زه‌ینی مرۆڤ و ناتوانێت كاروباره‌ بیركاریه‌ ساده‌كان جێ به‌جێ بكات، وه‌ زیاتر بوونی ماده‌كه‌ ده‌بێته‌ هۆی "گێلی"یه‌كی ته‌واو به‌ بێ زیاده‌ڕۆیی له‌سه‌ر ئه‌م بابه‌ته‌.
هه‌روه‌ها ئه‌گه‌ری تووش بوون به‌ نه‌خۆشیه‌ ده‌ماریه‌كانی تایبه‌ت به‌ خانه‌كانی مێشك وه‌ك: " شه‌له‌ل، زه‌هایمر، سه‌رئێشه‌ی درێژخایه‌ن"
هه‌روه‌ك به‌رده‌وامی خواردنی ده‌بته‌ هۆی شێرپه‌نجه‌ی وه‌ك "شێرپه‌نجه‌ی سینگ"، به‌رزبوونه‌وه‌ی ڕێژه‌ی كۆلیسترۆل، په‌ستانی خوێن، و چه‌ندین نه‌خۆشی تریش، كه‌ چاره‌سه‌ر ناكرێن، چونكه‌ ده‌بێته‌ هۆی گۆڕینی پێكهاته‌ی چه‌وری له‌ش.
یه‌كێك له‌ مشتقاتی E621 بریتیه‌ له‌ Monosodium Glutamate یان MSG. كه‌ یه‌كێكه‌ له‌ ترسناك ترین ماده‌ی خۆراكی له‌ جیهان، كه‌ ده‌كرێته‌ خواردنه‌كان بۆ مه‌به‌ستی تام.
هیوادارم سوودی هه‌بێت بۆتان.

له‌باره‌ی‌ 2012وه‌ چی‌ ده‌وترێت؟

kurdsh — Sat, 07 Jan 2012 22:14:15 GMT

هێشتا ته‌نها (8)ڕۆژێك له‌ساڵی‌ نوێ، ساڵی‌ 2012 تێنه‌په‌ڕیوه‌‌و هه‌مووان وه‌كو هه‌میشه‌، ئاوات ده‌خوازین بۆ ئه‌وه‌ی‌ ساڵی‌ داهاتوو، ساڵی خۆشی‌‌و كامه‌رانی‌ بێت، به‌ڵام پێش ئه‌وه‌ی‌ بچینه‌ ناو ساڵی‌ نوێوه‌، زه‌نگه‌كانی‌ مه‌ترسی‌ بۆ ساڵی‌ نوێ لێدران.

سه‌رچاوه‌كانی‌ هه‌واڵی‌ جیهان به‌شێوه‌یه‌كی‌ گشتی‌ پێیانوایه‌، كه‌ ساڵی‌ داهاتوو به‌شی‌ خۆی‌ كاره‌سات‌و نه‌هامه‌تی‌ بۆ خه‌ڵك‌و وڵاتان تێدایه‌‌و ئه‌و كاره‌ساتانه‌ش له‌ناخی‌ كێشه‌كانی‌ ساڵی‌ ڕابردووه‌وه‌ سه‌رهه‌ڵده‌ده‌نه‌وه‌.

هاوكات گه‌ردوونناسان پێشبینی‌ نوێیان بۆ ساڵی‌ 2012 هه‌یه‌، دیارترین پێشبینیش، دامه‌زراندنی‌ ده‌وڵه‌تی‌ كوردییه‌، سه‌ره‌ڕای‌ به‌ربه‌سته‌كان له‌لایه‌ن وڵاتانی‌ دراوسێوه‌.

(ئاریئیلا هۆفمان) نوسه‌ر له‌ڕۆژنامه‌ی‌ (یه‌دیعۆت ئه‌حرانۆت)ی‌ ئیسرائیلی‌ له‌وتارێكدا نوسیویه‌تی‌ ((ساڵی‌ 2012 كۆتایی دونیا نییه‌، وه‌كو خه‌ڵكی‌ چاوه‌ڕوانی‌ ده‌كه‌ن، هه‌روه‌ها ساڵێكی‌ ئه‌وه‌نده‌ش ئاسان نییه‌ بۆ خه‌ڵك‌و بۆ وڵاتان، وه‌كو چاوه‌ڕوان ده‌كرێت ئاسان بێت)).

ئه‌و نوسه‌ره‌ ئیسرائیلییه‌ باسی‌ ترسی‌ وڵاته‌كه‌ی‌ كردووه‌ له‌وه‌ی‌، كه‌ چه‌كی‌ ئه‌تۆمیی‌ ئێران له‌ 2012دا بكه‌وێته‌ ده‌ست كه‌سانێك كه‌ خراپ به‌كاریبهێنن.
ئاماژه‌ی‌ به‌وه‌ش كردووه‌، له‌ساڵی‌ 2012دا بڕیاری‌ قورس‌و یه‌كلاكه‌ره‌وه‌ نادرێت، به‌ڵام پرۆفیسۆر (ئییال زیسه‌ر) له‌زانكۆی‌ ته‌لئه‌بیب ئاماژه‌ی‌ به‌وه‌ كردووه‌، له‌باره‌ی‌ ئاشته‌وایی فه‌ڵه‌ستین‌و ئیسرائیله‌وه‌ له‌ 2012دا ده‌نگی‌ ئاشته‌وایی ده‌بیسترێت، به‌ڵام هیچ ڕوونادات.

(غازی‌ عه‌ریزی‌) نوسه‌ر له‌ڕۆژنامه‌ی‌ (ئیتیحاد)ی‌ ئیماراتی‌ له‌وتارێكدا به‌ناونیشانی‌ (2012: هه‌موو گۆڕانكارییه‌ك چاوه‌ڕوانكراوه‌)، باسی‌ له‌جیابوونه‌وه‌ی‌ باشوری‌ سودان‌و كێشه‌ی‌ گه‌روی‌ هورمز‌و كێشه‌ سیاسی‌‌و تائیفییه‌كانی‌ عێراق كردووه‌‌و ته‌ئكیدی‌ له‌وه‌ كردووه‌ته‌وه‌، هه‌ر گۆڕانكارییه‌ك ده‌گونجێت له‌ساڵی‌ 2012دا ڕووبدات.

غازی‌ عه‌ریزی‌ وه‌زیری‌ كارو گواستنه‌وه‌ی‌ لوبنان له‌و وتاره‌یدا جه‌ختی كردووه‌ته‌وه‌، ساڵی‌ 2012 كراوه‌یه‌ به‌ڕووی‌ كۆمه‌ڵێك گۆڕانكاریی ترسناكدا.
گۆڤاری‌ (فۆرین پۆلیسی‌) ئه‌مریكیش ئاشكرایكردووه‌، 10 جه‌نگ له‌ساڵی‌ 2012دا ڕووده‌ده‌ن.

به‌گوێره‌ی‌ ئه‌و گۆڤاره‌ ئه‌مریكییه‌، ئیسرائیل‌و ئێران له‌ساڵی‌ 2012دا جه‌نگ ده‌ست پێده‌كه‌ن، له‌ئه‌فغانستان‌و پاكستان به‌هه‌مان شێوه‌‌و له‌یه‌مه‌نیش جه‌نگ سه‌رهه‌ڵده‌دات، جگه‌ له‌چه‌ند وڵاتێكی‌ تر.

به‌ڵام (باراك ئۆباما)ی‌ سه‌رۆكی‌ ویلایه‌ته‌ یه‌كگرتووه‌كانی‌ ئه‌مریكا گه‌شبینی‌ به‌رامبه‌ر به‌ساڵی‌ 2012 پیشاندا‌و ته‌ئكیدی‌ له‌وه‌ كرده‌وه‌، كه‌ ئه‌مریكا له‌ساڵی‌ نوێدا به‌ره‌وپێشه‌وه‌ ده‌چێت.
به‌وته‌ی‌ سه‌رۆكی‌ ویلایه‌ته‌ یه‌كگرتووه‌كانی‌ ئه‌مریكا، له‌ساڵی‌ 2012دا ڕووداوی‌ زۆر گرنگ ڕووده‌ده‌ن.

سایتی‌ (وه‌فد)ی‌ میسر ئاماژه‌ی‌ به‌وه‌ كردووه‌، كێشه‌ی‌ گه‌روی‌ هورمز ده‌بێته‌ هۆی‌ هه‌ڵگیرسانی‌ شه‌ڕ له‌نێوان ئه‌مریكا‌و ئێراندا له‌ساڵی‌ 2012دا.
ئه‌وه‌ش خراوه‌ته‌ڕوو، كه‌ ساڵی‌ 2012 ساڵی‌ پێشبڕكێ ده‌بێت بۆ گه‌یشتن به‌سه‌رۆكایه‌تی‌ وڵات، له‌وانه‌ش ئه‌مریكا‌و فه‌ره‌نسا.

سه‌رچاوه‌ میدیاییه‌كان ئاماژه‌ به‌وه‌ ده‌كه‌ن، ساڵی‌ 2012 ساڵی‌ تاقیكردنه‌وه‌ی‌ پێشبینییه‌ ترسناكه‌كان بێت، له‌كاتێكدا كه‌ گه‌ردوونناسان پێشبینی‌ مه‌ترسیداریان بۆ ساڵی‌ 2012 هه‌یه‌.

(یاسر داغستانی‌) گه‌ردوونناسی‌ عێراق كۆمه‌ڵێك پێشبینی‌ بۆ ساڵی‌ 2012 كردووه‌، كه‌ له‌ناویاندا مردنی‌ (حوسنی‌ موباره‌ك) سه‌رۆكی‌ پێشووی‌ میسر‌و كوژرانی‌ (به‌شار ئه‌سه‌د) سه‌رۆكی‌ سوریا هه‌ن.

داغستانی‌ پێشبینی‌ كردووه‌، كه‌ له‌ساڵی‌ 2012دا، كوردستان سه‌ربه‌خۆیی وه‌رده‌گرێت‌و ده‌بێته‌ ده‌وڵه‌ت، ئه‌گه‌رچی‌ ئێران‌و توركیا به‌ربه‌ستی‌ له‌به‌رده‌مدا داده‌نێن.

داغستانی‌ پێشبینی مردنی‌ موباره‌ك‌و گه‌یشتنه‌ ده‌سه‌ڵاتی‌ ئیخوان موسلمینی‌ له‌میسر كردووه‌، جگه‌ له‌وه‌ش چه‌ند پێشبینییه‌كی‌ تری‌ وه‌كو، زیادكردنی‌ سزاكانی‌ سه‌ر سوریا‌و دابه‌شبوونی‌ پارتی‌ ده‌سه‌ڵاتداری‌ یه‌مه‌نی‌ خستووه‌ته‌ ڕوو.

له‌لایه‌كی‌ تره‌وه‌، (ئه‌حمه‌د شاهین) ئه‌ندامی‌ یه‌كێتی‌ جیهانی‌ گه‌ردوونناسه‌ باوه‌ڕپێكراوه‌كانی‌ ئه‌مریكاش پێشبینی‌ كرد، عێراق له‌ساڵی‌ 2012 ئاڵۆزییه‌كی‌ قورس به‌خۆیه‌وه‌ ببینێت، به‌وته‌ی‌ ئه‌و، (نوری‌ مالكی‌) دوا سه‌رۆك وه‌زیرانی‌ عێراقه‌‌و به‌غدا ڕووبه‌ڕووی‌ كاره‌ساتی‌ بێوێنه‌‌و وێرانكه‌ر ده‌بێته‌‌و ده‌وڵه‌تی‌ كوردیش له‌ساڵی‌ 2012دا داده‌مه‌زرێت.

ئه‌حمه‌د شاهین به‌هه‌مان شێوه‌ی‌ یاسر داغستانی‌ گه‌ردوونناسی‌ عێراق، پێشبینی‌ مردنی‌ موباره‌ك‌و (عه‌بدولعه‌زیز بوته‌فلیقه‌)ی‌ سه‌رۆكی‌ جه‌زائیری‌ كردووه‌، هه‌روه‌ها پێشبینی‌ ڕووخانی‌ ئه‌سه‌د‌و ساركۆزی‌ كردووه‌.

به‌وته‌ی‌ ئه‌حمه‌د شاهین، دوبه‌ی‌ نقوم ده‌بێت‌و یه‌مه‌ن دابه‌شده‌كرێت‌و ئێران هێرش ده‌كاته‌ سه‌ر به‌حره‌ین.

له‌لایه‌كی‌ تره‌وه‌، (هیلین مه‌علوف) گه‌ردوونناسی‌ لوبنانی‌ ڕایگه‌یاندووه‌، شه‌ش مانگی‌ یه‌كه‌می‌ ساڵی‌ 2012 بۆ خه‌ڵك باش نابێت، به‌ڵام شه‌ش مانگی‌ دواتر ژیان باش ده‌بێت.

به‌گوێره‌ی‌ پێشبینی‌ هیلین مه‌علوف، وڵاتانی‌ عه‌ره‌بی‌ یه‌ك له‌دوای‌ یه‌ك ده‌ڕوخێن‌و كوه‌یت ده‌بێته‌ كاراكته‌رێكی‌ سیاسی‌ دیار.

باسی‌ ئه‌وه‌شیكردووه‌، كه‌ به‌شار ئه‌سه‌د له‌ده‌سه‌ڵاتدا ده‌مێنێته‌وه‌‌و ئێران ئاژاوه‌ی‌ تێده‌كه‌وێت..

سه‌ربڕینی‌ مانگایه‌ك 7 ساڵ زیندانی‌ به‌ناوچه‌وانه‌وه‌یه‌

kurdsh — Sat, 07 Jan 2012 21:51:08 GMT

حكومه‌تی‌ هه‌رێمی‌ ویلایه‌تی‌ (مه‌دهیه‌ به‌ردیز) له‌ هندستان یاسایه‌كی‌ نوێی‌ ده‌ركرد بۆ ئه‌وانه‌ی‌ كه‌ تێوه‌ده‌گلێن له‌ سه‌ربڕینی‌ مانگاو خواردنی‌ گۆشته‌كه‌ی‌، تێكسته‌كه‌شی ده‌ڵێت "هه‌ركه‌سێك هه‌ستێت به‌ئه‌نجامدانی‌ سه‌ربڕینی‌ مانگا له‌و ویلایه‌ته‌دا، ئه‌وه‌ ده‌بێت حه‌وت ساڵی ره‌به‌ق، بچێته‌ كونجی‌ به‌ندیخانه‌وه‌، ئه‌مه‌ش له‌به‌رئه‌وه‌ی‌ كه‌ مانگا گیاندارێكی‌ پیرۆزه‌ له‌لای هندوسه‌كان نابێت خراپه‌ یان سوكایه‌تی‌ به‌رامبه‌ر بكرێت."

به‌پێی ئاژانسی هه‌واڵی‌ پاكستانی‌ ئه‌م یاسایه‌ به‌ هه‌وڵ و كۆششیی‌ پارتی‌ (به‌هاراتیا جانیتا)ی هندی‌ له‌و ویلایه‌ته‌دا په‌سه‌ندكراوه‌، كه‌ له‌ هه‌وڵی‌ ئه‌وه‌دان له‌هه‌موو ده‌زاگا حكومیه‌كان په‌یڕه‌و بكرێت، له‌هه‌مانكاتدا به‌پێی‌ ئه‌و ڕاگه‌یاندنانه‌ی‌ كه‌ له‌ولایه‌تی‌ (مدهیه‌ به‌ردیز) ڕاگه‌یه‌نرا كه‌ سه‌ربڕینی‌ مانگا تاوانێكی‌ زۆر قورس و خراپه‌ له‌ هندستان له‌به‌رئه‌وه‌ی‌ هه‌ستی‌ هندۆسه‌كان بریندار ده‌كات، پێویستیشه‌ له‌سه‌ر پۆلیس هه‌ر به‌بیستنی‌ هه‌واڵێكی‌ له‌و جۆره‌ خێرا هه‌ڵمه‌تی‌ پشكنین و گه‌ڕان ده‌ست پێبكات بۆ دۆزینه‌وه‌ی‌ شوینی‌ سه‌ربڕینه‌كه‌و گرتنی‌ تاوانباران، ئه‌گه‌ر سه‌ربڕینه‌كه‌ له‌ده‌ره‌وه‌ی‌ شار یان ناو ماڵانشدابوو هه‌موو تاوانباره‌كان وه‌ك یه‌ك سزاده‌درێن ئه‌وه‌ی‌ سه‌ری بڕیوه‌ یان به‌شداری تیاكردووه‌ یان گۆشته‌كه‌ی‌ گواستۆته‌وه‌ یان فرۆشتویه‌تی‌ یان خواردویه‌تی‌، پۆلیس ده‌ستكراوه‌یه‌ له‌په‌یڕوكردنی‌ هه‌مووشتێك بۆ لێكۆڵینه‌وه‌ له‌م باره‌یه‌.

فەلەكناسێك: ساڵی 2012 كورد دەبێتە خاوەن دەوڵەت

kurdsh — Fri, 30 Dec 2011 21:04:38 GMT

فەلەكناسێك جەخت لەوە دەكاتەوە كە ساڵی 2012 كورد دەبێتە خاوەن دەوڵەت و دەسەڵاتی مالیكیش كۆتایی دێت.

یاسر داغستانی كە هەڵگری بڕوانامەی دكتۆرایە لە زانستی فەلەكناسی لەعێراق، لە لێدوانێكدا ساڵی 2012 بە ساڵێكی خوێناوی بۆ عێراق ناودەبات و جەختیش لەوە دەكاتەوە كە لە ساڵی داهاتوو كورد دەبێتە خاوەن دەوڵەت و دەسەڵاتی مالیكیش كۆتایی دێت.
داغستانی دەڵێت "ساڵی داهاتوو كوردستان خەونی دەوڵەت بوونیان دێتەدی، بەبێ مەرجیش ئێران و توركیا بە بەدەوڵەت بوونی كوردستان قایل دەبن". گوتیشی "هەر لە ساڵی نوێ سەقامگیری لە عێراق بە تەواوی تێكدەچێت و حزبە عێراقییەكان ناكۆكییەكی گەورە لە نێوانیاندا روودەدات و هیچ هەرێمێكی نوێش دروست نابێت، بەڵام حكومەتەكەی مالیكی كۆتایی پێدێت، هەڵبژاردنێكی راستەقینەش ئەنجام دەدرێت".
ئەو فەلەكناسە جەخت لەوەش دەكاتەوە كە ساڵی داهاتوو گۆڕانكارییەكی گەورە لە رووی كەشوهەوا لەچەند وڵاتێك روودەدات و دەڵێت "ساڵی2012 خۆڵبارینێكی زۆر رۆژهەڵاتی ناوەڕاست مالیزیا و چین و عێراق و توركیا و باشووری ئەمریكا دەگرێتەوە و بوومەلەرزەیەكی گەورەش ئەوناوچانە دەگرێتەوە كە پێشتر رووی نەداوە".

كۆنترۆڵكردنی ئامێره‌كانی داهاتوو له‌ڕێگه‌ی جوڵه‌ی چاوه‌وه‌

kurdsh — Mon, 26 Dec 2011 21:07:46 GMT

تیمێك له‌ دیڤیڵۆپه‌ره‌كان له‌ بواری ته‌كنه‌لۆژیای زانیاریدا له‌ زانكۆی (كۆبنهاگن)ی دانیمارك ته‌كنه‌لۆژیایه‌كی نوێیان داهێنا و ناوی " Senseye" لێناوه‌ و ڕێگه‌ده‌دات به‌ به‌كارهێنه‌رانی سمارت فۆنه‌كان و ئامێره‌كانی ئای پاد كه‌ فرمانه‌كانی ئامێره‌كانیان و كارلێكردن له‌گه‌ڵیاندا له‌ڕێگه‌ی جوڵه‌ی چاوه‌كانیانه‌وه‌ كۆنترۆڵ بكه‌ن و پێویستیان به‌ ده‌ستلێدانی ئامێره‌كانیان نه‌بێت.

له‌ڕێگه‌ی به‌كارهێنانی كامێرایه‌كی وێبه‌وه‌ یان كامێرای پێشه‌وه‌ی مۆبایله‌كه‌ و ته‌كنه‌لۆژیای "دایۆد" كامێراكه‌ چاودێری و به‌دواداچوون ده‌كات بۆ جوڵه‌كانی چاو و به‌ به‌كارهێنانی به‌رنامه‌یه‌ك شیده‌كاته‌وه‌ و ڕێگه‌ به‌ به‌كارهێنه‌رده‌دات ته‌نها به‌ چاوی شاشه‌كه‌ چالاك بكات و به‌ سایته‌كانی ئینته‌رنێتدا بگه‌ڕێت و یارییه‌كانی ڤیدیۆ بكات و ئیمه‌یڵ بنێرێت.

به‌گوێره‌ی هه‌واڵێكی سایتی عه‌ره‌بیه‌ نێت، ئه‌م بیرۆكه‌یه‌ پێشتر و له‌بنه‌ڕه‌تدا له‌لایه‌ن دیڤیڵۆپه‌ره‌كانه‌وه‌ بۆ یارمه‌تیدانی ئه‌و كه‌سانه‌ی په‌ككه‌وته‌یی زۆریان هه‌یه‌ یان ناتوانن ماوس و كیبۆرد به‌كاربهێنن بنیاتنراوه‌.

تائێستا له‌نێوان دیڤیڵۆپه‌ره‌كان و كۆمپانیاكانی دروستكردنی كۆمپیوته‌ره‌كانی ئایپاد و سمارت فۆنه‌كاندا هیچ ڕێكه‌وتنێكی ڕه‌سمی واژۆنه‌كراوه‌، به‌ڵام دیڤیڵۆپه‌ره‌كان ڕایانگه‌یاندووه‌ له‌ داهاتوودا ئه‌م ته‌كنه‌لۆژیا نوێیه‌ له‌ سمارت فۆنه‌كانی داهاتوودا له‌ مانگی ته‌مموزی ساڵی 2013 دا به‌كارده‌هێنن و تێچوونی ئه‌م ته‌كنه‌لۆژیایه‌ كه‌مه‌ و ده‌گاته‌ 20 یۆرۆ.

ئه‌مریكییه‌ك ته‌رمی‌ كچه‌كه‌ی‌ له‌گه‌ڵ خۆڵدا فڕێده‌دات

kurdsh — Mon, 26 Dec 2011 20:25:23 GMT

دایكێكی‌ ئه‌مریكی دانی نا به‌وه‌ی‌ كه‌ جه‌نازه‌ی منداڵه‌كه‌ی‌ كه‌ ته‌مه‌نی‌ 10 ساڵ بووه‌ له‌گه‌ڵ خۆڵوخاشاكدا فڕێداوه‌.

به‌پێی هه‌واڵێكی‌ ڕۆژنامه‌ی‌ ئه‌لبه‌یان، دوای‌ ئه‌وه‌ی‌ پۆلیسی‌ ئه‌مریكی لێكۆڵینه‌وه‌یان له‌گه‌ڵدا ده‌ست پێكرد له‌باره‌ی دیارنه‌مانی‌ منداڵه‌كه‌ی (ئاندیا باركر)ی‌ ته‌مه‌ن (35) ساڵ، دانی‌ نا به‌وه‌ی‌ كه‌ كچه‌كه‌ی‌ گیانی‌ له‌ده‌ستدا كاتێك كتێبخانه‌كه‌ی‌ به‌سه‌ریدا كه‌وت، به‌ڵام ئه‌و ناوی‌ له‌ناو تۆماری مردووه‌كاندا ناونووس نه‌كرد و لاشه‌كه‌شی‌ له‌ڕێگای خوڵوخاشاكه‌وه‌ فڕێدا.

ئه‌وه‌ی‌ جێگای وتنه‌، ئه‌م ڕووداوه‌ش كاتێك ئاشكرابوو كه‌ باوكی‌ كچه‌كه‌ له‌ 16 دیسه‌مبه‌ردا داویه‌كی‌ تۆماركرد له‌باره‌ی دیار نه‌مانی‌ كچه‌كه‌یه‌وه‌، له‌م باره‌یه‌وه‌ ده‌رودراوسێكانی‌ ئه‌و ژنه‌ ده‌ڵێن ئه‌وان له‌ 2006ه‌وه‌ ئه‌و كچه‌یان نه‌بینیوه‌، هه‌ركاتێكش پرسیاریان له‌باره‌یه‌وه‌ ده‌كرد ئه‌و به‌پاساوێك خۆی‌ لێده‌دزیه‌وه‌.
--------------------------------------------